ජර්මනිය,ඇමරිකාව හෙල්ලූ අපේ රූපලාවන්‍ය ශාකසාර නිෂ්පාදන ආයතනයක්...(Youth arena).










ශ්‍රී ලංකාවේ පමණක් නොව ලෝකයේම ප්‍රමුඛ පෙළ ශාකසාර ආශ්‍රිත සම්මානලාභී නිෂ්පාදන සමාගමක් වන ''නේචර්'ස් සීක්‍රට්" සමාගමේ 15 වන සංවත්සරයට සමගාමීව නව නිෂ්පාදන පෙළක් එළි දැක්වීම 'නේචර්'ස් සීක්‍රට්' සමාගමේ මිල්ලෑව ප්‍රදේශයේ පිහිටි නිෂ්පාදනාගාරයේ සහ ප්‍රධාන කාර්යාලයේදී සිදු විය.ඒ උත්සවයේ ප්‍රධාන ආරාධිත අමුත්තිය ලෙස සහභාගී වූයේ ප්‍රවීණ රූපලාවන්‍ය ශිල්පිනියක සහ රූපලාවන්‍ය ආශ්‍රිත පුහුණු පාඨමාලා රැසක් පවත්වාගෙන යන ආයතන හිමිකාරිනියක වන නයනා කරුණාරත්න මහත්මියයි.

මේ අවස්ථාව සදහා "නේචර්'ස් සීක්‍රට්" දිවයින පුරා අලෙවි ජාලය භාරව කටයුතු කරන අලෙවි නියෝජිත මහත්ම මහත්මීන් රැසක් ද සහභාගී වී සිටියා.දේශීය මාධ්‍ය ආයතන රැසක මාධ්‍යවේදීන්ද මේ අවස්ථාවට සහභාගී වී සිටීම විශේෂත්වයක් විය.

"නේචර්'ස් සීක්‍රට් බියුටි ක්‍රියේෂන්ස් අධ්‍යක්ෂ නාලක ගුණවර්ධන මහතා අතින් නව නිෂ්පාදන පෙළ වන 'අල්ට්‍රා මොයිස්චරයිසින් බොඩි ලෝෂන්ස්' තිත්ව ක්‍රියාකාරීත්වය සහිත කැරට්,පැපොල්,කෝමාරිකා,රෝස සහ පිච්ච මල් සුවද වර්ගවලින් එළි දක්වනු ලැබීය.

නව නිෂ්පාදන පෙළ පිළිබදව පර්යේෂණ පැවැත්වූ කමිටුවේ සභාපතිත්වය දැරූ ආචාර්ය නිමල් පුන්‍යසිරි මහත්මා සදහන් කර සිටියේ නේචර්'ස් සීක්‍රට් නිෂ්පාදන වල ඇති විශේෂත්වයන් වනුයේ;

සත්ව තෙල්,සත්ව නිෂ්පාදන,සත්ව අත්හදා බැලීම් වලින් තොර / මිනරල් ඔයිල්,සිලිකොන් ඔයිල්, පෙට්‍රෝලියම් අඩංගු නොවන ශ්‍රී ලාංකේය වෙළද පොළ තුල පවත්නා විශ්වාසදායීම ශාකසාර නිෂ්පාදන පෙළ වශයෙන් වගකීමෙන් සදහන් කළ හැකි බවයි.

තම නිෂ්පාදන ශ්‍රී ලංකාවේ සෞඛ්‍ය අමාත්‍යාංශයේ ලියාපදිංචිය ලබා ඇති බවත්,අන්තර්ජාතික තත්ව සහතික වන ISO 9001, ISO 14001 & GMP ලබා ඇති බව නිහතමානීව සදහන් කළ හැකි බව පවසා සිටියා.2011 වසරේ සිට අඛන්ඩව ජාතික හරිත සම්මානයෙන්ද "නේචර්'ස් සීක්‍රට්" පිදුම් ලබා ඇති බව වැඩි දුරටත් සදහන් කර සිටියා.

ප්‍රධාන ආරාධිත අමුත්තිය ලෙස මෙම උත්සවයට සහභාගි වූ ප්‍රවීණ රූපලාවන්‍ය ශිල්පිනී නයනා කරුණාරත්න මහත්මිය සදහන් කර සිටියේ මේ වන විට ශ්‍රී ලංකාවට කිසිදු තත්ව පරීක්ෂාවකින් හෝ නියාමනයකින් තොරව රූපලාවන්‍ය නිශ්පාදන පැමිණීම නිසා රූපලාවන්‍ය ක්ෂේත්‍රයම පිරිහීමට ලක්ව ඇති බවයි.සමහර අවස්ථා වලදී මරණ පවා සිදු වීම කණගාටුදායක තත්වයක් බව නයනා කරුණාරත්න මහත්මිය සදහන් කළාය.

නමුත්,නේචර්'ස් සීක්‍රට් නිෂ්පාදන කිසිවකට අවුරුදු 15 ආ මෙම ගමන්මග තුළ කිසිදු දිනයක චෝදනාවක් ලබා නොමැති බව අභිමානයෙන් යුතුව සදහන් කළ හැකි බවත්,ඇමරිකාව/ජර්මනිය වැනි රටවල නේචර්'ස් සීක්‍රට් නිෂ්පාදන සදහා සුවිශේෂ වෙළද පොළක් නිර්මාණය වී ඇති බවත් නයනා කරුණාරත්න මහත්මිය සදහන් කළාය.

නව නිෂ්පාදන ලෙස එළිදකින ලද "අල්ට්‍රා මොයිස්චරයිසින් බොඩි ලෝෂන්" ත්‍රත්ව ක්‍රියාකාරී සංයෝගය සහිත කැරට්,පපායා,ඇලෝ වේරා,රෝස්,ජස්මින් සුවද වර්ග වලින් ඔබට නේචර්'ස් සීක්‍රට් අලෙවි නියෝජිතයින් මගින් සහන මිලට මිළදී ගැනීමේ අවස්ථාව නව වසර වෙනුවෙන් නේචර්'ස් සීක්‍රට් ආයතනය උදා කර දී ඇත.

නේචර්'ස් සීක්‍රට් බියුටි ක්‍රියේෂන්ස් ආයතනයේ සභාපති / කළමනාකරණ අධ්‍යක්ෂක සමන්ත කුමාරසිංහ මහතා අදහස් දක්වමින් සදහන් කරන ලද්දේ;2001 වසරේදී ආරම්භ කරන ලද නේචර්'ස් සීක්‍රට් ආයතනය මේ වන විට මිල්ලෑව ප්‍රදේශයේ අක්කර 13ක් පුරාවට පැතිර පවතින බෙහෙත් ශාක වර්ග 500ක පමණ ප්‍රමාණයකින් යුතු ඔසු උයනකින්ද,අති නවීන විද්‍යාගාර පර්යේෂණ මධ්‍යස්ථානයකින් සහ ලාංකේය විශ්වවිද්‍යාලයන්හි උපාධි ලද විද්‍යාඥයින් 100ක් පිරිසකගෙන් සමන්විත බවයි.

500ක පමණ පිරිසකට රැකියා අවස්ථා ලබා දෙමින් ජාතික සංවර්ධනය සදහාද මේ වන විට නේචර්'ස් සීක්‍රට් ආයතනය දායක වී තිබෙන බවත්,ඇමරිකාව/ජර්මනිය/මැද පෙරදිග කලාපය ඇතුළු රටවල් 24 කට මේ වන විට නේචර්'ස් සීක්‍රට් නිෂ්පාදන අලෙවි කරනු ලබන බවත්,ජාත්‍යන්තර තත්ව සහතික දිනා ගනිමින් තම ආයතනය දිනෙන් දින ඉදිරියට ගමන් කරන බවත් සමන්ත කුමාරසිංහ මහතා සදහන් කර සිටියා.

2015 වර්ෂයේ සිට සෞඛ්‍ය අමාත්‍යාංශය මගින් රූපලාවන්‍ය නියාමන ක්‍රමවේදය අත් හිටුවීම මගින් මෙරටට ඉන්දීය සහ කොරියානු තත්වය බාල නිෂ්පාදන පැමිණීම මගින් මෙරට ජනතාවගේත් ,රූපලාවන්‍ය ක්ෂේත්‍රයේත් බරපතළ ගැටලු ඇතිව ඇති බවත් මෙය ඉතාම කණගාටුදායක තත්වයක් බවත් වැඩිදුරටත් සදහන් කරන සමන්ත කුමාරසිංහ මහතා නේචර්'ස් සීක්‍රට් නිල ලාංඡනය නිර්මාණය කළ මාලිනි සිරිමාන්න මහත්මියවත්,අල්ට්‍රා මොයිස්චරයිසින් ලෝෂන් ඇසුරුම සකස් කර ප්‍රදීප් බමුණුසිංහ මහතාවද කෘතවේදීව සිහිපත් කරන ලදි.

නේචර්'ස් සීක්‍රට් නිෂ්පාදනාගාරයේ විශේෂත්වය වන්නේ උපරිම පරිසර හිතකාමී වීමයි.මෙහි අපද්‍රව්‍ය ලෙස කිසිවක් බාහිර පරිසරයට මුදා නොහැරේ...රසායනික වතුර පිරිපහදු කර විශාල පොකුණකට යොමු කෙරේ.එහි මිරිදිය සුරතල් මත්ස්‍යයින් පවා ඉතාම ආරක්ෂිතව ජීවත් වේ.නෙළුම්,ඕලු,මානෙල් වැනි පුෂ්පයන් වර්ගද එම පොකුණ අලංකාරවත් කරයි.ඉවතලන අපද්‍රව්‍ය ටැංකියකට යොමු කර ජීව වායුව නිශ්පාදනය කරයි.මේ සියල්ල මාධ්‍යවේදීන්ටත්,පාසල්/විශ්වවිද්‍යාල සිසුන්ටත් සියැසින් දැක බලා ගැනීමේ වරම හිමි වේ.

"අලුත් අලුත් - දෑ නොතනන ජාතිය ලොව නොනගී කිසි විට ..."යන කුමාරතුංග මුනිදාස මහතාගේ කියමන දර්ශන කොටගෙන ක්‍රියාත්මක වන මෙවැනි දේශීය ව්‍යාපාර රැක ගැනීම පත්වන සෑම ආණ්ඩුවකම වග කීම නොවන්නේද? ......"
ඉෂාර ලක්මිණ-(Lanka dna).




Newest
Previous
Next Post »